ආදරය

අද හීන උදුරන
හෙට ජීවත්වෙන
සමුගැනීමෙන් හමුවන
වෙස්සන්තර හිත

ගිම්හාන සීතල

කොයි පැත්තෙන් බැලුවත්
හරි හතරැස්
පෘෂ්ටීය මත පිටවල්
හයක්
කලු සුදු අලුත් එක්ක
නිල් සහ රතු
තවත් නොදන්න පා‍ටක්
ඒ අතරට
පාට ගොඩක් එකතු වුනු
මුල්ලක ආදරය
වර්ගඵලය පරිමිතිය
ගැන ‍නොසලකන

‍වරාමල

මේ රුදුරු ගිම්හානය
මට අරමුණක් අහිමි කරලා
එත් වස්සානය ආපුගමන්
වැටුණු තැනක
පැලවෙනවා
දුක්වෙන්නේ මොක‍ටද
පුංචි වරා මලක්
සුළග හාදවෙලා
ලෝකේ දකින්න
පෙරුම් පුරන

වරාමල නමින් නව බ්ලොග් අඩවියක්

මම මධුවන්ති ඉන්නේ බළන්‍‍ගොඩ දැනට රැකියාවක් බලාපොරොත්තුවෙන් ඉන්නේ ඒ අතර සිංහල බ්ලොග් එකක් කරන්න මටත් හිතුනා . මගේ සංකල්පනාවන් අදහස් මේ බ්ලොග් එකට දාන්න මම හිතාගෙන ඉන්නවා ඒව බලලා ඔයාලගේ අදහස් මට දෙන්න.